毕尔巴鄂占尽地理优势攻占恰切尔达
今晚西甲独脚戏，毕尔包主场迎战切尔达。「巴斯克雄狮」一向靠主场搵食，每当喺自己地头出击例踢高一皮波，切尔达太过倚赖伊亚高艾斯巴斯数胡，一旦被箝制立即死晒火，主胜有买趁早。
毕尔包向来都係主强客弱，虽然依家冇球迷入场打气，但呢种格局仍然未变，佢哋今季所取得嘅13分，有9分係来自主场，除咗次轮主场爆冷输畀卡迪斯外，近3场喺自己地头出击全部赢晒，包括勇挫塞维利亚双雄西维尔同贝迪斯，蒙尼恩连续2仗主场都有进帐，呢种主场例踢高一皮波嘅信心，亦正如佢哋作客特差一样，好难解释。
切尔达前线靠老将孭飞 另一边厢，位处下游嘅切尔达，今季仍要为护级而战，主帅奥斯卡加西亚喺11月头被炒，搵嚟球队名宿伊度亚度高特接手，近2仗取得1胜1负，只係略有起色。切尔达最大问题，係冇人能分担伊亚高艾斯巴斯嘅入球重担，只要呢位老将被唛死，进攻即刻陷于瘫痪，单计联赛11个入波中，伊亚高艾斯巴斯就佔咗5个，可见一斑，加上中场奥基约高斯鲁今仗坐波监，造访主场凶狠嘅「巴斯克雄狮」，凶多吉少，主胜值得捧场。
